Instituti Konfuci në Universitetin e Tiranës është themeluar më datë 18 Nëntor 2013. Ky Institut është krijuar në bazë të marrëveshjes që Universiteti i Tiranës ka firmosur me Qendrën e Institutit Konfuci, Kinë (HANBAN) si dhe me Universitetin e Gjuhëve të Huaja Pekin (BFSU). Qëllimi i Institutit Konfuci-UT është promovimi i gjuhës dhe kulturës kineze. Ky Institut ofron mundësin që studentët e Univeritetit të Tiranës që të mësojnë gjuhën kineze pranë tij. Instituti ofron të gjitha nivelet e mësimit të gjuhës kineze. Studentët e Universitetit të Tiranës kanë dy mundësi për të mësuar gjuhën kineze, ose duke e zgjedhur këtë lëndë në kurrikulat që fakulteti ofron ose duke u regjistruar pranë Institutit Konfuci-UT. Aktualisht gjuha kineze është lëndë me zgjedhje në: Fakultetin e Gjuhëve të Huaja dhe Fakultetin e Ekonomisë. Në kuadër të promovimit të kulturës kineze ky Institut organizon aktivitete të ndryshme si: Konkursi i Kulturës Kineze; Festa e Fenerit Kinez, etj.

Kurs për të gjithë të interesuarit falas…

Te gjitha | 10/06/2020 | admin

Në përputhje me udhëzimet “Për mbylljen e institucioneve arsimore për parandalimin e përhapjes së COVID-19”, por edhe për ti mundësuar të gjithë të interesuarve mësimin e gjuhës dhe kulturës kineze, Instituti Konfuci në Universitetin e Tiranës ofron falas leksione online, përmes platformës ZOOM dhe gjithashtu nëpërmjet faqeve tona në FACEBOOK dhe INSTAGRAM (live). Tani të gjithë të interesuarit dhe studentët e Universitetit të Tiranës kanë mundësi për të mësuar gjuhën kineze (niveli fillestar HSK 1), përmes këtij programi veror duke u regjistruar tek faqja e Institutit Konfuci-UT (www.ciut.edu.al) , nga data 10 qershor 2020 deri më 20 qershor 2020. Kursi për të gjithë të interesuarit është falas.

Kurs për të gjithë të interesuarit falas…

Lini një Përgjigje Anuloje përgjigjen

Main office

CIUT